Mmasepala wa Polokwane o kgaotše mohlagase go dikgwebo tšeo di o kolotago R34 m ya ditirelo

Mmasepala wa Polokwane o tšea boemo bjo bo tiilego kgahlanong le bareki bao ba sa lefelego ditirelo.

Ka mošupologo, mmasepala o ile 

wa kgaola mohlagase go dikgwebo tše seswai tšeo  dikolotago palomoka ya R34 milione ka metšhelo, ditefelo, le ditšhelete tša ditirelo tšeo di sa lefelwego.  

Tshepetšo ye e eteletšwe pele ke MMC wa tša ditšhelete Tshepo Nkwe, le MMC wa Polokego ya Setšhaba Joosuf Pemma, bao le bona ba ntšhitšego difaene.

Nkwe o gateletše bohlokwa bja go lefela ditirelo, a bolela gore go bušetša le ge e le 50% ya ditšhelete tšeo di sa lefelwago go tla hola mmasepala kudu.  

O lemošitše badudi le dikgwebo gore go kgaolwa ga ditirelo gape go kgauswi go bao ba sa lefelego dikoloto tša bona.  

“Molaetša o molaleng, lefa ditirelo tšeo o di šomišago goba o ipee kotsing ya go kgaolwa,” Nkwe a realo.