MOGONONELWA WA BONE O SWERE MOLATO WA POLAO YA INŠORENTSHE YA R10 MILLION  

Maphodisa a golegile mogononelwa yo mongwe malebana le molato wa polao ya inšorenshe ya R10 million, bofora, le go hlwekiša tšhelete wo o akaretšago mohlankedi wa peleng wa maphodisa, Rachel Kutumela.

Mogononelwa wa mengwaga ye 54 yo e lego kgaetšedi ya Kutumela o golegilwe ka Moletjie ka Labobedi, 4th November 2025.

Kutumela (43) yo e bego e le mohlankedi wa maphodisa ka Senwabarwana, ngwanabo

ya gagwe Anna Shokane (47), le morwedi wa gagweFlorah Shokane (23) go thwe ba hotšwe ke R10 milione ya ditleleimi tša bofora tša inšorenshe morago ga mahu a batho ba senyane. 

Nakong ya ditshepedišo tša peleng tša peile, Kgorotsheko ya Magiseterata ya Polokwane e ile ya ahlola gore Kutumela, ngwanabo  le morwedi wa gagwe ba tla bea kotsing ya go šitišana le dihlatse tša mmušo ge ba ka lokollwa. 

Sephetho sa kgorotsheko se be se theilwe godimo ga go tshwenyega ka ga go šitišwa ga dihlatse mo go ka bago gona le go ba thata ga ditatofatšo.

Molato wo bjale o fetišeditšwe kgorongkgolo ya tsheko ya Polokwane.

 Mmoleledi wa maphodisa a bosetšhaba Brigadier Athlenda Mathe ore mogononelwa o tla tšwelela pele ga kgorotsheko ya Magiseterata ya Polokwane ka Laboraro, 05 Ngwatobošego 2025 a lebane le ditatofatšo tša polao, bomenetša le go hlwekiša tšhelete.

Dinyakišišo tša maphodisa di tšwela pele.