Mmušo o phethile molato tshekong ya polao ya Senzo Meyiwa

Mmušo o phethile molato wa wona tshekong ya polao ya Senzo Meyiwa ka Kgorongkgolo ya Tsheko ka Pretoria ka Labone la di 24 July 2025.

Se se direga mengwaga ye mebedi go tloga mola tsheko e thomilego mathomong ka morago ga gore Moahlodi yo moswa Ratha Mokgoatlheng yo a tšerego maemo go moahlodi yo a rotšego modiro Tshifhiwa Maumela ka 2023. 

Banna ba bahlano ba ile ba ema tshekong ka lebaka la polao ya Meyiwa.  Muzikawulahlelwa Sibiya, Bongani Sandiso Ntanzi, Mthobisi Prince Mncube, Mthokoziseni Ziphozonke Maphisa le Sifisokuhle Ntuli ba ile ba itatola molatong o.

Meyiwa o ile a bolawa ka Oktobere 2014  a le legaeng la Ntombi Khumalo yo e lego mma go kgarebe ya gagwe ya peleng, seopedi sa mmino Kelly Khumalo ka nako yeo. 

Motšhotšhisi wa mmušo George Baloyi o boletše gore le ge molato wa bona o phethilwe, tšhireletšo e lokologile go bitša efe goba efe ya dihlatse tšeo di sa bitšwago go fa bohlatse.

a