Go tloga go mošireletše wa maphodisa go fihla go maemong a boetapele sephodiseng: Kanegelo ya Colonel Freddy Modungwana

Diphihlelelo tše dikgolo gantši di thoma ka ditsela tše bonolo, gomme leeto la Colonel Freddy Modungwana ke bohlatse bja seo.

Ka 1991 ge a be a na le mengwaga ye 22, o thomile bjalo ka mošireletši wa maphodisa setišing sa Apel, Sekhukhune.

Lehono, ke molaodi wa sehlopha sa Tactical Response Team (TRT) mo Limpopo le wa sephodisa sa taolo ya setšhaba mo Polokwane.

O kile a romelwa mafelong a šoro bjalo ka Umlazi, Ndwendwe, Port Shepstone le Richmond nakong yeo e bego e le boima kudu mo historing ya Afrika Borwa. “Maitemogelo ao a ile a leka bokgoni bja ka bjalo ka lešole la maphodisa,” a realo.

O re ka 1999 o bile o mongwe wa sehlopha sa mathomo sa Tactical Intervention Group se se theilwego go lebeletšana le mešomo ya kotsi.

“Re ile ra fenya bosenyi ka kgwedi tše tharo kua Western Cape, moo re ilego ra swara baetapele ba bosenyi gammogo le go fediša mekgatlo ya dikebekwa,” a realo.

Ge setereke sa Limpopo se be se sa akaretšwa mo yuniti ya National Intervention Unit, Modungwana o ile a tšea kgato. Ka 2004, o ile a thea Air Supported Tactical Team yeo ka 2009 e bego e šitiša borakgwebo go tšwa Afrika Borwa ka dimilione tša diranta.

O re o ile a thuša le go hlabolla thuto ya maphodisa a taolo ya setšhaba pele ga mogope wa lefase wa FIFA 2010, a šoma le French Gendarmerie. “Ditiro tšaka di ntlišeditše hlompho le monyetla wa go lebelela dipapadi tša mogope wa lefase bjalo ka moeng wa Coca-Cola,” a realo.

Lehono, Colonel Modungwana o tšwela pele go etelela pele ka bohlale le botshepegi. Mokhomišinare wa maphodisa a Limpopo Lieutenant-General Thembi Hadebe o mo retile bjalo ka moemedi wa nnete wa maikemišetšo a sephodisa sa Afrika Borwa.