Tshela melao ya dikoma, o tla lefa!

Ka Mogale Mohale

Ke nako ya dikoma moo masogana le makgarebe a sepelago tsela ya bonna le bosadi.

Bjale, bao ratago go tshela yemengwe ya melao motseng wa Segopje ka ntle ga Polokwane, Limpopo ba swanetše go lefa.

Se ke ka lebaka la gore mošate wa Segopje o ile go gapeletša melao le melawana nakong ye ya sehla sa dikoma.

Mošate wo o ile go gapeletša melao yeo e tla go go šomišwa sehleng se sa dikoma. Mealo ye ya lebaka nyana e swanetšwe go obamelwa go fihla ka Mokibelo, 19 Mosegamanye.

Mafelo ka moka a go rekiša madila ge a nyaka go raloka mmino, a swanetše go lefa R150 letšatši ka letšatši. Bao ba dirago mekete yeo e na go le mašata ba swanetše go lefa R200.

Badudi bao ba ratago go aga meago ka malapeng a bona ba swanetše go lefa R200 pele ba ka thoma.

Go fiša matlakala ga se go dumelelwe mme le badudi ga se ba dumelelwe go šoma go ba go thuba maswika ka nako ye ya dikoma.

Meropa ga se ya dumelelwa sehleng se, gammogo le mmino wa go letšwa godimo.