MOHLANKEDI YO MOGOLO MMASEPALENG WA MARULENG O SWERWE KA MOLATO WA BOMENETŠEA

Mohlankedi yo mogolo wa Mmasepala wa Maruleng ka Hoedspruit o golegilwe ke Hawks Limpopo ka lebaka la bofora le letsogo le kobong.

Mohlankedi yo go thwego o ile a dumelela ditefelo tša bofora tša boleng bja R770 000 Mmasepaleng wa Ba-Phalaborwa mengwageng ye lesome ya go feta ge a be a šoma bjalo ka molaodi wa masepala o.

Mmoleledi wa profense ya Hawks Lethunya Mmuroa o boletše gore go thwe mohlankedi o thwetše khamphani go thuša ka go hlokomela le go tsošološa kgaotšo ye kgolo ya mohlagase mo lefelong leo ntle le go latela ditshepedišo tša maleba tša theko. 

Mmuroa o okeditše ka gore moabi wa ditirelo ga se a dira mošomo ofe goba ofe.

“Matšatši a mmalwa ka morago ga go thwala, go begwa gore khamphani e rometše ditleleimi tše ntši tša tefo ntle le go fa ditirelo dife goba dife. Ditleleimi ka moka di ile tša šongwa le go lefelwa, gomme seo sa feleletša ka tahlegelo ye e akantšwego ya go feta R770 000 go mmasepala,”” Mmuroa o okeditše ka gore.

Ba Hawks ba re go letetšwe go golegwa ga batho ba bangwe.

Mogononelwa o tšweletše kgorong ya tsheko ka Laboraro, 15 Diphalane 2025.