Molekani wa mošireletši wa peleng wa setšhaba Thuli Madonsela o hlokofetše 

Richard Edward Foxton, yo e be go ele monna wa mošireletši wa setšhaba wa peleng Thuli Madonsela o hlokofetše.

Foxton o be a na le mengwaga ye 82.

Thuli Madonsela Foundation e tsebišitše polelong ya yona maabane gore Foxton o hlokofetše ka khutšo malaong a gagwe.

 Foxton e be e le Moeletši wa dikamano tša setšhaba (PR)  le mothei wa feme ya dikgokagano  ya Foxton Communicating.

 Bareki ba gagwe ba be ba akaretša meepo, dipanka, batšweletši ba dikoloi gammogo le bo radipolotiki.

 O šomile le ba ga Oppenheimer le ba ga Rupert. 

Polelong yeo, Foundation e boletše gore go hlokofala ga gagwe go tlogela sekgoba se segolo go ba lelapa la gagwe.

“E be e le tate yo a ikgantšhago le rakgolo yo lerato go ditlogolo tše senyane, tšeo ka moka e bego e le karolo ya bohlokwa ya bophelo bja gagwe.”

 “Molekane wa gagwe wa bophelo, Madonsela, e be e le molekane wa gagwe wa go tia ka ditabeng tša bophelo le tša profešenale, gomme mmogo e be e le seka sa tlhomphano, lerato le potego.”

 “Go amega ga Foxton go dikgwebo le dipolotiki tša Afrika Borwa, boikgafo bja gagwe go phetogo ya leago le lerato la gagwe le le tseneletšego go lapa la gagwe le tumelo di ka se lebalwe. Borutho bja gagwe, botho, botho bjo bogolo le go fa kudu mo go se nago mellwane di kgomile maphelo a ba bantši, gomme meneelo ya gagwe e tla tšwela pele go kwagala mengwageng ye e tlago. eupša khuetšo ya gagwe e tla phela maphelong ao a a kgomilego le mošomong wo a o thomilego” Foundation ya realo.

Tirelo ya segopotšo e tla swarwa Kerekeng ya Katholika ka Rosebank gola Johannesburg ka Labohlano ka iri ya bobedi thapama.