Baotledi go tšwa Zimbabwe ba tsena Afrika Borwa ba tla thoma go lefa ge go agwa kgoro ya go lefa (toll gate) mollwaneng wa Beitbridge
Baotledi bao ba fetago mollwaneng wa Beitbridge, Musina ba tla thoma go lefa nako yeo e tlago.
Se se latela morago ga gore Tonakgolo ya Limpopo, Ngk Phophi Ramathuba gotee le Molekgotlaphethiši wa Kgoro ya Tšweletšo ya Ekonomi, Tikologo le Boeti, Tshitereke Matibe, Dinamelwa le Tšhireletšo ya Setšhaba, Violet Mathye le Mešomo ya Setšhaba, Ditsela le Meago Ernest Rachoene ba kopane le ba South African National Roads Agency Limited (SANRAL) go tšea karolo ka morero wa go hloma kgoro ya go lefa (toll gate) go la Beitbridge ka lehlakoreng la Afrika Borwa.
Go ya ka Louw Kannemeyer, SANRAL Engineering Executive o re kgato ye ke karolo ya maano a go tšweletša tšelete ya go thuša ka hlokomelo ya ditsela, gomme ga e tlo ama tsela ya Makhado le Musina.
“Kgoro ye e tla šoma go baotledi bao ba tsenago Afrika Borwa go tšwa Zimbabwe. Kgoro ye e tla lebelela sephethephethe mollwaneng gomme ga e tlo thibela banamedi go sepela ka tsela ya bona,” a realo.
SANRAL e boletše gore kopano ye ke karolo ya tshepedišo ya dipoledišano le setšhaba. Baotledi, go akaretša le Cross-Border Road Transport Agency (CBRTA), Road Freight Association (RFA), masepala le setšhaba ka bophara, ba laetšwe go fa dikgopelo le dikakanyo mabapi le morero wo.
Setšhaba se na le nako go fihla ka Labohlano, 19 Lewedi go romela dikgopelo tša bona go beitbridge@nra.co.za.
Kgoro ye e tla nakong ya ge dipoledišano mabapi le tšhelete ya go hlokomela meago ya mollwaneng le taolo ya sephethephethe mollwaneng wo o dulago o na le leema ema.
Basekaseki ba dinamelwa ba re kgoro ye e ka tliša tšhelete ya go hlokomela ya tsela, eupša e ka gobatša baotledi le dikgwebo magareng ga dinaga tše tše pedi.
Baemedi ba masepala ba tla lebelela tšhomišo ya kgoro mabapi le morero wa tšweletšo ya ekonomi le sephethephethe sa batho tikologong ye.
Tonakgolo Ramathuba le malekgotlaphethiši a gagwe ba boletše gore ba amogetše dipoledišano tša SANRAL le setšhaba, eupša ba gateletše bohlokwa bja hlokego ya sephiri le karolo ya setšhaba pele go tšewa sephetho.
