MOGONONELWA O SWERE MABAPI LE POLAO YA BASADI BA BABEDI BA MAMELODI

Maphodisa a Gauteng a netefaditse go swarwa ga monna wa mengwaga ye masome tharo seswai dipolaong tsa bomotswala Tshiamo le Baleseng Moramaga gotswa Mamelodi East Extention 17 ka Tshwane mafelelong a beke. 

Monna yo go thwego ke bountshara mo lefelong leo bomotswala ba ilego go ipshina go lona, ​​o latofaditšwe ka polao le maitekelo a polao. 

Mmoleledi wa maphodisa a Gauteng Captain Tintswalo Sibeko ore mogononelwa o swerwe ka Mošupologo, October 27, 2025.

Sibeko ore dinyakišišo tša maphodisa di utollotše gore mohlaselwa wa boraro, yo a thuntšhitšwego nakong ya tiragalo ye, o hwetša kalafo sepetlele.

“Ka go šomiša tshedimošo ye, sehlopha sa mohlakanelwa seo se bopilwego ka bahlohlomiši go tšwa go Yuniti ya Bosenyi bjo Bogolo le bja Bošoro bja Profense ya Gauteng, Provincial Crime Intelligence, le Banyakišiši ba Mamelodi East ba golegile mogononelwa seteišeneng sa go tšhela makhura ka Pretoria,” Sibeko o boletše.

Mogononelwa o letetšwe go tšwelela kgorong ya tsheko ya bomaseterata ya Mamelodi ka la 29 Diphalane 2025.

Tshiamo (22) le motswala wa gagwe Baleseng (21) ba hweditšwe ba thuntšhitšwe ka iri ya pele ga Sontaga mesong morago ga go tšwa bošego.