Maphodisa a hloka thušo go hwetša Theo Mothapo yo a nyameletšego

Maphodisa a Polokwane a dira dinyakišišo ka taba ya motho yo a nyameletšego.

Se se latela morago ga go nyamelela ga Theo Mothapo (30) go tšwa Nobody Thakgalang, Ga-Mothapo ka ntle ga Polokwane.

O bonwe la mafelelo ka kgwedi ya Pherekgong 2025 mo mmileng wa Onder, Polokwane. Go ya ka batswadi ba gagwe, ba be ba dutše ba boledišana le yena ka mogala go fihla ka kgwedi ya Phuphu 2025, gomme go tloga ka nako yeo mogala wa gagwe wa tswalelwa.

Mmoleledi wa maphodisa a Limpopo, Sergeant Mienkie Ramakgoakgoa, o re diaparo tšeo a bego a di apere ge a nyamelela ga di tsebegi.

“Yo mongwe le yo mongwe yo a nago le tshedimosetso ka moo Mothapo a lego gona, a ka ikopanya le mohlahlobi wa ditaba tše, Sergeant Mokgadi Molope mo mogaleng wa 082 728 9831 goba 08600 10111. Dinyakišišo tša mapodisa di tšwela pele,” a realo.