Tate yo esego wa madi o swerwe ka lebaka la polao le go kata

Tate yo esego wa madi o swerwe ka lebaka la polao le go kata

 

Monna wa mengwaga ye 33 o golegilwe ka Bandelierkop ka lebaka la polao ya molekane wa gagwe le go kata morwedi wa gagwe wa mengwaga ye lesometshela.

 

 Tiragalo ye e diregile ka Sontaga sa la 10 Phato 10, 2025.

 

Go begwa gore mogononelwa o tsošitše mosetsana yo go nyaka mmagwe, yo a ilego a bonwa la mafelelo tabeneng letšatšing le le fetilego. 

 

Mmoleledi wa maphodisa Colonel Malesela Ledwaba ore morago ga go palelwa ke go mo hwetša, mogononelwa o ile a iša ngwanenyana wa mengwaga ye lesometshelaye lefelong leo le lego lekatana moo a ilego a mo kata gomme a mo laela gore a boele gae.

 

 “Motšwasehlabelo yo a nago le sebete o ile a bega tiragalo ye ka pela go leloko la setšhaba, leo le ilego la ikgokaganya le maphodisa. Molato wa go katwa o ile wa bulwa gomme go thongwa go tsoma batho, gomme seo sa feleletša ka go swarwa ga mogononelwa,” Ledwaba o boletše.

 

Ge maphodisa a be a botšološišwa, a utollotše gore mogononelwa o bolaile gape mosadi yo gomme a uta setopo sa gagwe ka ntlwaneng ya boithomelo ya molete sekolong sa lefelong leo. 

 

 Ka morago ga moo setopo se ile sa hwetšwa, gomme mogononelwa bjale o lebane le ditatofatšo tša bobedi polao le go kata.

 

 

Mokhomišenare wa Profense ya Limpopo Molefotenente General Thembi Hadebe o sola tiragalo ye, a e hlagiša bjalo ka mohlala wo o šoro wa dikgaruru tše di theilwego godimo ga bong, kudukudu tšeo di kgomago maikutlo nakong ya Kgwedi ya Basadi. 

 

O ile a reta karabelo ya ka pela ya maphodisa le sebete sa mophologi wa mahlalagading go tla pele.  Mogononelwa o sa le kgolegong gomme go letetšwe gore a tšwelele kgorong ya tsheko kgauswinyane ge dinyakišišo di tšwela pele.