Mogononelwa polaong ya Olorato Mongale o thuntšhitšwe ke maphodisa

Mogonolelwa-mogolo molatong wa polao ya Olorato Mongale, o bolailwe ka go thuntšhwa ke maphodisa, go la Amanzimtoti ka KwaZulu-Natal. 

Go ya ka SAPS, maphodisa a hweditše mogononelwa e lego Philangenkosi Makhanya a iphihlile mo lefelong-tsoko ka Amanzimtoti, eupša ge maphodisa a mo tsebiša gore a gona, o ile a thoma go ba thuntšha, gomme le bona ba ikarabela ka go thuntšha moo a ilego a hlokafala.

Mokomišenara wa maphodisa profenseng ya KwaZulu-Natal, General Nhlanhla Mkhwanazi ore mogononelwa o ipobotše gore ke yena a bolailego Olorato.

Makhanya, mmogo le bagononelwa ba bangwe ba babedi, Fezile Ngubane le Bongani Mthimkhulu, ba be ba nyakega mabapi le polao ya Olorato.

Maabane bošego, maphodisa a utulotše gore bagononelwa ba babedi, mma le tatago yo mongwe wa bagononelwa yo a jelego direthe, ba golegilwe. 

Tate wa mogononelwa  ke mong wa sefatanaga seo se šomišitšwego polaong ya Mongale mola go dumelwa gore mma o ile a tsebiša morwa wa gagwe gore maphodisa a baa mo nyaka. 

Kgato ye ya mma e kgontšhitše morwa go efoga go swarwa ka Laboraro mantšiboa. 

Mokomišenara wa maphodisa profenseng ya KwaZulu-Natal, General Nhlanhla Mkhwanazi ore mogononelwa o ipobotše gore ke yena a bolailego Olorato.