Tsela ya R521 ya Dendron e sa tswalešwe morago ga kotsi ya teraka yeo e rwelego khemikhale ya kotsi

Tsela ya R521 magareng ga Polokwane le Dendron e sa twaletšwe ka lebaka la kotsi ye kgolo yeo e akaretšago teraka ya boima (HMV) le koloi ya go rwala dithoto e nnyane.

Kotsi ye e diregile dikhilomithara tše ka bago 10 ka leboa la Polokwane ka Mošupologo, 28 Mosegamnye gomme e hlamišitše karabelo ya tshoganetšo ka lebaka la kgang ya go tšhoga ya go tšhologa ga sehlare sa khemikhale.

Go belaelwa gore teraka ye e be e rwele hydrochloric acid, sehlare sa khemikhale se se senyang kudu, seo se ka bago se tšhologile mo tseleng le dipolase tša kgauswi.

Mmoleledi wa kgoro ya Dinamelwa le Tšhireletšo ya Setšhaba, Tidimalo Chuene o re go tšhologa ga khemikhale ye go beya tikologo le maphelo a batho kotsing.

“Lefelo leo le šetšwe gomme le bewa taolong mola go nyakišišwa kgang ya khemikhale yeo e ka bago e tšhologile,” a realo.

O re setšhaba se letetše ditsebi tša go šoma le dikhemikhale tša go tšwa Gauteng gore di tle go thuša go fediša kotsi le go hlwekiša lefelo la kotsi. “Go fihla ga bona go tla thuša go bona nako yeo tsela e ka bulwago gape ka polokego,” a realo.

Chuene o re ka lebaka la kotsi ye le kotsi ya khemikhale, tsela e tla dula e tswaletšwe go fihla bošego bja lehono. Difatanaga di eletšwa go šomiša tsela ya Moletjie.

“Hydrochloric acid ke sehlare sa kotsi yeo e ka senyago mobu le methopo ya meetse. Go na le matshwenyego a magolo ka ditlamorago go dipolase tša kgauswi le tikologo. Ba bohlokwa ba taolo ba ile ba ikemišetša go hlokomela seemo seo gomme ba tla dira dinyakišišo tše di tseneletšego,” a realo.

Batho ba eletšwa go se batamele lefelo leo gomme ba latele ditaelo tša semmušo ka botlalo. Ditshedimošo di tla tšwela pele go abiwa ge seemo se dutše se hlakodišwa.