Raditaba wa go tsebega Tshidi Madia o hlokofetše

Morulaganyi wa Mohlakanelwa wa Dipolotiki, yo e bego a šomela Eyewitness News (EWN), Tshidi Madia, o hlokofetše morago ga bolwetši bjo bokopana.

Madia o hlokofaletše sepetlele ka Laboraro mesong, 27 Phato 2025.

Ka polelo, Morulaganyi-mogolo wa EWN, Nisa Allie o mo hlalositše bjalo ka “lebjenyane mo mphapahlogong wa EWN, e lego motho wa maatla yo a ilego a etelela pele ka sebete, bokgoni bja profešenale le boikokobetšo, mola a eletša moloko wo o latelago wa babegi ba ditaba ba dipolotiki.”

Mošomo wa gagwe wa boraditaba o tšere mengwaga ya go feta ye lesome, a hwetša temogo ya gagwe ka podcast ya gagwe ya Politricking with Tshidi Madia, tshekatsheko ye bogale ya dipolotiki, le lelokelelo la dipoledišano tše di kgethegilego.

Madia o tlogela tatagwe, le bana babo. 

O tla hlologelwa ke batheetši, le babogedi ba gagwe. A moya wa gagwe o robale ka kgotso