Mosadi o golegilwe ka lebaka la go fiša ntlo ya lesogana la gagwe la peleng

Mosadi wa mengwaga ye 27 o golegilwe ka morago ga go fiša ntlo ya lesogana la gagwe la peleng.

Tiragalo ye e diragetše kua Steve Biko, Phase 4, tikologong ya Villa Nora ka Lephalale Labohlano, la 25 Phupu 2025.

Go ya ka pego ya maphodisa, monna yoo o be a robetše ka ntlong ya gagwe ge kgarebe ya gagwe ya peleng e kokota mojakong, gomme ga se a bula. 

Mmoleledi wa maphodisa Colonel Malesela ore mosadi yo o ile a befelwa gomme a thuba mafasetere. 

 “Monna yoo o tsogile a nyaka thušo go baagišani, gomme ke mo mogononelwa a ilego a fiša ntlo,” Ledwaba a realo.

Maphodisa a ile a bitšwa lefelong la tiragalo gomme a bula molato wa go fiša.  Mogononelwa o ile a swarwa.

 “Palomoka ya tshenyo e akanyetšwa go R520,000, go akaretšwa le dilo ka moka tšeo di sentšwego mollong,” a tlaleletša.

Mogononelwa o tla tšwelela pele ga Kgorotsheko ya Mmaseterata ya Phalala ka Mošupologo, 28 Phupu 2025, a lebane le molato wa go fiša.