Modiragatši wa go tuma, Presley Chweneyagae o robetše borokpo bjo bogolo

Ka Mogale Mohale

Modiragatši wa go tuma ebile e le mahlwa a di bona, Presley Chweneyagae o robetše borokpo bjo bogolo.

 

Chweneyagae o lahlegetšwe ke bophelo bja gagwe mesong ya Labobedi, 27 Mopitlo a na le mengwaga ye 40. Ka se sebaka, ga go tsebegi gore lehu la gagwe le hlotšwe ke eng.

 

O ile a tuma ka tiragatšokgatišo ya Tsotsi yeo e ile go ya dira gore a thope sefoka sa gagwe sa mathomo go difoka tša South African Film and Television Awards ka ngwaga wa 2006.

 

O be a raloka gape tiragatšokgatišo ya The River bjalo ka Cobra moo a be go a tumile ka go bolela sekgowa sa mantšu a boima.

 

Lerato la gagwe la bodiragatši le thomile e sa le o mo nnyane. E be e se modiragatši fela, eupša o be kgona go tšweletša ditiragatšo.

 

Lehu la gagwe le tšhošitše bontši bja batho Afrika Borwa ka bophara, badiragatši ka yena gammogo le batsebalegi ba go tuma.

 

Mongwaledipharephare wa African National Congress, Fikile Mbalula o re ba kwele bohloko go kwa ka lehu la Chweneyagae.

 

“E be e le kakapa ya nnete ya bodiragatši bja Afrika Borwa, sefaleng, go bohwa bja kgatišo ya Tsotsi, The River le tšedingwe. Ke re go ba lapa la gagwe, bagwera le bao ba kgwathilwego ke bohlale bja gagwe ba homotšege,” a realo.

 

Ye ke taba yeo e tšwelago pele…