Tona ya Mohlagase Kgosientsho Ramokgopa e tšweleditše lenaneo la dipeeletšo leo le tlago tsenthša R2.2 trilione ka gare ga go gola ga diintasteri ga lekala la enetši le go hlola mešomo ye mentši. 

Ramokgopa o utolotše leano nakong ya kopano ya boraditaba ka Pretoria ka Sontaga. 

Tona o boletše gore leano le lefsa la methopo ye e kopantšwego le hlamilwe go fediša mošomo wo o tšhologago sa ruri go tsošološa ekonomi, yeo e tlaišegilego ka fase ga go kgaotša ga kgafetšakgafetša.

O boletše gore leano le leswa le tšea legato la phetolelo ya 2019 gomme le sepelelana le dinyakwa tša bjale tša maatla tša naga.

“Bogolo bja lenaneo le la dipeeletšo ke R2.2 trilion.Ka fao re tla nagana ka dipeelo tše tharo. Ka 2039, re ya go oketša 105 gigawatts goba 105 000MW ya bokgoni bja moloko o mofsa.”

“Go ra gore re ya go aga Eskom makga a mabedi le seripa magareng ga bjale le 2039. Gomme ke ka fao re dirago ntlha ya gore lenaneo le tee le legolo la dipeeletšo la nako ya ka morago ga kgethologanyo ke seo re se tšweletšago nageng lehono.” 

 Ramokgopa o re mmušo o tla šoma le diyunibesithi le dikholetšhe tša TVET go ntšha mabokgoni a sethekniki ao a nyakegago go phethagatša Leano la Methopo ye e Kopantšwego.