Masea ao a utswitšwego sepetlele sa Gqeberha a hweditšwe

Masea a mabedi ao a thopilwego bookelong bja Gqeberha ka Kapa Bohlabela ka Labobedi a hweditšwe.  Mmoleledi wa maphodisa a profense Captain Sandra Janse Van Rensburg o netefaditse gore bagononelwa ba babedi ba basadi ba swerwe gomme ba latofatswa ka go utswa bana.

 Janse Van Rensburg ore yo mongwe wa bahlankedi ba SAPS o be a etšwa ka meagong ya sepetlele ge a lemoga basadi ba babedi ba swere masea gomme a ba batamela.  “Ka morago ga go ba botšološiša, o ile a lemoga gore masea ao ba bego baa swere ke ao a hlaotšwe bjalo ka ao a utswitšwego bošegong bja Labobedi. Bagononelwa ba babedi ba basadi ba mengwaga ye 25 le 26 ba tla tšwelela kgorong ya tsheko ya mmasepala wa New Brighton mo bekeng ye,” a realo.

Mokhomišenare wa Selete sa Nelson Mandela Bay Brigadier Loyiso Ngalo o boletše gore ba leboga gore masea a hweditšwe le gore ba tla kopanywa gape le bommago bona.