Batho ba lesomenne ba golegilwe ka lebaka la go kgatha tema ga bona go thopeng rakgwebo wa Soweto, gomme ba lesome ba bona ba tšweletše pele ga Kgorotsheko ya Maseterata ya Lenasia.

Ditatofatšo kgahlanong le bona ka morago di ile tša fetošwa go ba le dithoto tšeo go gononwago gore di utswitšwe, kudukudu metšhene ye tshela ya dikarata yeo e hweditšwego ba na le tšona nakong ya ge ba swarwa.

Balatofatšwa ba babedi le ba tshela yo mongwe le yo mongwe o ile a fiwa peile ya tšhelete ya diranta tše 5 000. Molatofatšwa wa nomoro ya bobedi, yo go begwago gore o na le bolwetši bja pelo, o tšweletše kgorong ya tsheko a swere tanka ya oksitšene.

Molatofatšwa wa nomoro ya botshelela o ile a tšweletša afidafiti go tšwa go mong wa o mongwe wa metšhene ya dikarata, yeo e tiišetšago tumelelo ya gagwe ya go e ba le yona. Molato wo o šuthišitšwe go fihla ka la 29 Phupu 2024.