Bahlankedi ba bahlano ba thibelo ya bosenyi ka Gauteng ba thuntšhitšwe ka Daveyton  

Bahlankedi ba bahlano ba thibelo ya bosenyi ba Gauteng ba thuntšhitšwe ka Daveyton

Bahlankedi ba bahlano ba Thibelo ya Bosenyi ya Gauteng ba gobetše nakong ya tiragalo ya go thuntšhwa ka Sontaga ya la 7 Lewedi.

Bahlankedi bao ba tsebjago ka mo nageng bjalo ka “AmaPanyaza” ba be paterola bjalo  ka mehleng kgauswi le Seteišene sa Seporo sa Daveyton ka Ekurhuleni.

Ba be ba leka go emiša le go phuruphutša sehlopha sa batho ba ka bago 12 ge bagononelwa ba thuntšha ka dibetša tša maemo a godimo, go akaretšwa le dithunya tša AK-47.

Bahlokomedi ka moka ba bahlano ba ile ba kitimišetšwa Sepetleleng sa Alberton Netcare, gomme o tee a le boemong bjo bo hlobaetšago. 

Yo mongwe o šetše a lokolotšwe.

Tonakgolo ya Gauteng Panyaza Lesufi o ile a sola tlhaselo yeo, a e bitša “tiro ya dikgaruru yeo e se nago tlhaloganyo” gomme a reta baleti ka sebete sa bona, seo go bonagalago se šitišitše tshepedišo ya bosenyi. 

Tirelo ya Maphodisa ya Afrika Borwa e thomile dinyakišišo tša maiteko a polao, e hlohleletša setšhaba go fa tshedimošo efe goba efe yeo e ka thušago go swara bagononelwa.

Bahlankedi ba ba theilwego setšhabeng ka Gauteng bao ba filwego mošomo wa go thekga phethagatšo ya molao lego netefatša polokego ya setšhaba.