Maphodisa a mabedi a bolailwe nakong ya ge mogolegwa yoo a letetšego tsheko a tšhaba ka Roodepoort

Maphodisa a mabedi a bolailwe nakong yeo ba bego ba tšamaiša mogolegwa yo a letetšego tsheko Jabulani Moyo yo a tšwago Zimbabwe.

Moyo o be išitšwe Kgorongtsheko ya Bomaseterata ya Roodepoort ka Labohlano gotšwa kgolegong ya Boksburg ka Labohlano.

Maphodisa a ile a tšea sephetho sa go ema seteišeneng sa peterole go yo reka dino ka nako yeo ba bego ba mmušetša morago. Ge a sa eme fao, bagwera ba gagwe ba ile ba tšwelela gomme ba thuntšha maphodisa a mabedi.

Mmoleledi wa maphodisa a Gauteng Mavela Masondo orile:

 “Sajenene o ile a tiišetšwa gore o hlokafetše lefelong la bosenyi mola Wareant officer a ile a išwa sepetlele, moo a ilego a tiišetšwa gore o robetše boroko bjo bogolo 

ge a fihla,” a realo Masondo.

Moyo o ile a tšhaba ka koloi ya maphodisa, yeo ka morago e ilego ya hwetšwa e tlogetšwe dikhilomithara tše mmalwa go tloga lefelong la bosenyi.

“Maphodisa a ipiletša go mang le mang yo a ka bago le tshedimošo yeo e ka thušago dinyakišišong goba go thuša go swara mogononelwa/bagononelwa gore hle a leletše seteišene sa maphodisa sa kgauswi goba Crime Stop go 08600 10111,” a realo Masondo.

Moyo o amana le go thubja ga kgwebo ka Hlakola 2023.

Maphodisa ao a hlokofetšego ke Warrant officer Sintwa le Sajene Masenya.