Modiragatši Tebogo Thobejane o bolela la mathomo morago ga gore lesogana la gagwe la pele le swarwe
Modiragatši le mohlohleletši wa ditaba tša leago Tebogo Thobejane o kgopetše go ba le sephiri morago ga go swarwa ga lesogana la gagwe la peleng rakgwebo Vusimuzi Matlala.
Matlala o golegilwe ka la 14 May ka ditatofatšo tša maiteko a polao le go loga maanomabe a go dira polao ya Thobejane. Ditatofatšo tše di amana le go thulwa ke Thobejane ka 2023. Ka October 2023 koloi ya Thobejane e ile ya thuntšhwa ke bahlasedi bao ba sa tsebjego ge a be a otlela go tšwa Saints Champagne Lounge ka Sandton le mogwera wa gagwe le mootledi wa bona.
Ka polelo maabane, Thobejane o kgopetše go ba le sephiri le kwešišo ge yena le lapa la gagwe ba tšwela pele go fola go tšwa go seo a se bitšago maitemogelo a go kweša bohloko kudu. O boletše gore ga e sa le go tloga ge go thuntšhwa, o be a dutše a phela le bolwetši bjo bo tšwelago pele bja Post-traumatic stress disorder (PTSD) ga e sa le go tloga tiragalong ya go thuntšhwa.
“Leeto le ga se la ba bonolo gomme toka e a tšwela pele. Re sa rwele boima bja seo se diregilego, re phela ka khuetšo ya maikutlo le ditlamorago tše di tšwelago pele tša PTSD.” “Ke kgopela ka botho go ba le sephiri le kwešišo ge nna le lapa lešo re tšwela pele go fola go tšwa phihlelong yeo e kwešago bohloko kudu,” a realo Thobejane.
“Leeto le e bile le thata, eupša ke nagana gore go kaone go tlogela molao o tšee tsela ya wona. Go mang le mang yo a nyakago go hlaka, tokollo ya semmušo ya kgatišo go tšwa go NPA (Bolaodi bja Botšhotšhisi bja Setšhaba) e a hwetšagala gomme e hlaloša dintlha mabapi le batho bao ba latofaditšwego semmušo.”
“Go mang le mang yo a nyakago go hlaka, tokollo ya semmušo ya kgatišo go tšwa go NPA [Bolaodi bja Botšhotšhisi bja Setšhaba] e a hwetšagala gomme e hlalosa ditherešo mabapi le batho bao ba latofaditšwego semmušo.”
Matlala o tšweletše pele ga kgorotsheko ya maseterata wa Alexandra ka Mošupologo gomme kgopelo ya gagwe ya beili e ile ya bušetšwa morago go fihla ka la 30 Motsheganong, ka lebaka la go se hwetšagale ga mohlagase.
