Balaudi ba Great North Transport ba emišitšwe ka lebaka la taolo ye mpe ya ditšhelete

Ka Mogale Mohale

Bolaodi bja dinamelwa tša bohle tša Great North Transport (GNT) bo fegilwe.

Se se tla ka morago ga gore boto ya bolaodi e tšeye magato a go buša ditshepedišo taolong.

Nakong ya kopano ya go ikgetha yeo e swerego ka Labone, 29 Mopitlo, boto e tšere sephetho sa go beya molaodimogolo, molaodi wa ditshepedišo gammogo le molaodi wa matlotlo go fego ya go ikgetha.

Ba fegilwe ka mogolo wa bona w go felelela go fihla dipoelo tša dinyakišišo tša ka gare di fela.

Sephetho se se tšerwe ka morago ga dingongorego maelana le pušo ya mašeleng, tshepidišo ya kabo le maikarabelo a bolaodi.

Go fegwa ga bona e thomile le se metseng mme e ile go dula bjalo nakong yeo e sa fetego kgwedi tše tharo.

Mmoleledi wa GNT Mthunzi Dlamini o re ka nako ye, boto e boledišana le beng kgwebo e le go Limpopo Economic Development Agency (LEDA) go tliša thekgo ya tshepidišo gammogo le go tliša boetapele bja nakwana go netefatša gore kabo ya ditirelo ya dinamelwa e fihla setšhabeng.

“Re kgopela tšhomišano le thekgo go batšeyakarolo ka moka nakong ye ya lebaka nyana mme re tla ntšha ditsebišo ge go hlokega,” a realo.