Lesogana la mothuši wa morutiši le nyakega mabapi le polao ya gagwe

Ka Mohale Sekwela

Masko Prince Ramoshaba o nyakwa ke maphodisa ka ge go dumelwa gore o tla thuša go rarolla molato wa polao ya kgarebe ya gagwe.

 

Se se tla ka morago ga gore lekgarebe la gagwe la mengwaga ye 24 le bolawe ka motseng wa Ga-Matshwi ka ntle ga Bolobedu, Limpopo ka Laboraro, 18 Phupu.

Lekgarebe le o e be e le mothuši wa morutiši.

Dipego ka maphodisa di laetša gore maphodisa a ile a bitšwa motseng wo ka morago ga tiragalo ya polao. Ge ba fihla ba hweditše motšwasehlabelo ka gare ga letamo la madi a na le dintho tša go hlabiwa.

 

Bahlapetši ba pele ba ile ba bitšwa gomme ba hlatha lekgarebe le gore le hlokofetše lefelong leo a hlabilwego gona.

 

Mmoleledi wa maphodisa Colonel Malesela Ledwaba o re maphodisa a Bolobedu a tšwele lesolo go hwetša lesogana leo le bolailego lekgarebe wa mengwaga ye 24.

 

“Dinyakišišo tša pele di laetša gore lekgarebe le le hlabilwe le go bolawa ke molekani wa lona wa mengwaga ye 30, mme a tsena ka monga wa seloko ka morago ga tiragalo,” a realo.

 

O re hlohleletšo ya polao ga e tsebegi ka se sebaka, efela tshohlego ya bong ga e beelwe ka thoko.

 

“Maphodisa a kgopela Masko Prince Ramoshaba gore a iponagatše setišing sa maphodisa a kgauswi ka pela ka ge go dumelwa gore o tla thuša go rarolla molato wo,” a realo.

 

Ledwaba o re yo a nago le tshedimošo yeo e ka thušago ka dinyakišišo a ka letšetša monyakišiši, Sergeant Mapudi Rakoma go 082 414 6043.

 

“Dinyakišišo molatong wo di tšwela pele,” a realo.