Floyd Shivambu o tshepišitše go bolela therešo kopanong ya boraditaba gosasa

Mongwaledi pharephare wa peleng wa uMkhonto weSizwe Party Floyd Shivambu o ikana go utolla “therešo” nakong ya kopano ya boraditaba yeo e rulagantšwego ka Labone.

Se se hlotše dipolelo tša gore a ka tsebiša ka go rola modiro ga gagwe mokgahlong wa mopresidente wa peleng Jacob Zuma.

Shivambu o ile a rakwa bjalo ka Mongwaledi pharephare morago ga go etela moruti yo a tšhabilego melato ya gagwe ka Afrika Borwa Shepherd Bushiri nakong ya Paseka ka Malawi.

Shivambu o ngwadile mo methopo ya tša leago X  gore: “Gosasa, la 19 Mosegamanye 2025, re tla swara Kopano ya Boraditaba go ahlaahla ditlhabollo tša dipolotiki ka Afrika Borwa” .

“Bao ba ba ilego ba šomišanago le rena ba kwešiša gore molaotheo wa rena wo o hlahlago o hlohleleditšwe ke Amilcar Cabral, yo a tiišetšago gore, “Le se ke la uta selo go batho ba rena. Le se ke la bolela maaka. Le utulle maaka ka dinako ka moka ge a bolelwa. Le se ke la bipa mathata, diphošo, go palelwa. O se ke wa bolela diphenyo tše bonolo.’

O ile a tšwela pele go hlokomela gore: “Ke tlhagong ya rena go bolela therešo ka gobane therešo ke ya Phetogo!