MOTHO O TEE O HLOKAFETŠE KA MORAGO GA GO PHUHLAMA GA MOAGO WA LEBENKELE
Motho o tee o netefaditšwe gore o hlokofetše ka morago ga gore moago wa mabenkele wa Turfloop Plaza ka Mankweng o phuhlame ka Laboraro mesong, 22 Diphalane 2025.
Lebenkele leo le tsebjago ka leina la Student Supermarket le lego kgauswi le Yunibesithi ya Limpopo, le ile la phuhlama ka fase ga mabaka ao a sa mabaka ao a sa tsebjego.
Motšwasehlabelo wa mosadi yo hlokofetše le se metseng morago ga go welwe ke lebota ga se a hlaolwa go fihla ga bjale.
Meyaraphethiši wa Mmasepala wa Polokwane John Mpe o fetišeditše matshidiso a gagwe go tšwa pelong go lapa leo le hlokofetšego.
“Re fetišetša kwelobohloko ya rena ye e tseneletšego go lapa la mohu. Ye ke kgopotšo ye bohloko ya gore ke ka lebaka la eng re tšwela pele go gatelela kudu go aga polokego le go obamela melao go ralala le mmasepala wa rena,” Mpe o boletše.
Ka morago ga tiragalo ye, mmasepala o ile wa tsenya tirišong sehlopha sa wona sa Bohlahlobi bja Meago go sekaseka lefelo le go netefatša kobamelo kgahlanong le maano a meago ao a dumeletšwego.
Meyara o ile a etela gape lefelo leo le amegilego gomme a bolela gore moago o šoma ntle le go obamela melao. “Sebopego ke se segolo eupša ga se na maatlafatšo,”a tlaleletša. Mpe o boletše gape gore mmasepala o tla etela lapa la mohu yo a hlokofetšego nakong ya go phuhlama ga moago.
