Go fedile semmušo magareng ga Floyd Shivambu le MK Party
Mongwale
dipharephare wa peleng wa mokgatlo wa uMkhonto weSizwe Floyd Shivambu o amogetše go fedišwa ga gagwe ga boleloko go tšwa mokgatlong.
Shivambu o boletše gore a ka se hlohle go fedišwa ga boleloko bja gagwe mokgatlong.
Mokgatlo wa MK o netefaditše ka Labohlano gore ba rometše lengwalo la go rakwa go Shivambu, go fediša boleloko bja gagwe le mokgatlo.
Ka kgwedi ya June, Shivambu o ile a tlošwa.maemong a gagwe bjalo ka mongwaledipharephare wa mokgatlo.
Ka polelo, Shivambu o itše: “ Ke amogela ka botlalo sephetho sa mokgatlo wa uMKhonto weSizwe Party (MK Party) sa go fediša boleloko bja ka bja mokgatlo. Kamogelo ye ga e belaele ebile je ya mafelelo. Nka se dire boipiletšo bja sephetho seo, ka ge ke hlompha ditshepedišo le dibopego tša mokgatlo wo ke kilego ka šoma bjalo ka Morulaganyi wa Bosetšhaba le Mongwaledipharephare wa Mayibuye iAfrika.”
Go rakwa ga Shivambu go tla morago ga gore a tlošwe bjalo ka Mongwaledipharephare wa Mokgatlo ka Motsheganong morago ga ketelo ya gagwe go Kereke ya Enlightened Christian Gathering ya Moporofeta Shepherd Bushiri ka Lilongwe, Malawi bakeng sa Khonferentshe ya Paseka ka Moranang.
Ga bjale, Shivambu o leetong la naga ka bophara moo a swarago ditherišano tšeo di bitšwago Tshepetšo ya Ditherišano ya Mayobuyi mabapi le ge e ba a tla hloma mokgatlo wo mofsa wa dipolotiki.
Go sa le bjalo, Motlatšamongwaledipharephare wa peleng wa Mokgatlo wa MK Nombuso Mkhize o tlogetše mokgatlo gomme a tsenela Tshepetšo ya Ditherišano ya Shivambu’s Mayibuye.
Mayibuye e tsebišitše se ka polelo, a re o thwetšwe bjalo ka hlogo ya mokgatlo wa Bopresidente.
Mkhize ke mohlapetši wa peleng wa kgolego kua Estcourt Correctional Centre, moo moetapele wa MK Party Jacob Zuma a golegilwego dikgwedi tše ped
