Bathopi ba Joshlin Smith ba ahlotšwe bophelo ka moka kgolegong

Mmago Joshlin Smith, yo a bonwego molato wa kgwebo ka batho ebago Kelly Smith gammogo le balatofotšwa ka yena, Jacquen Appollis le Steveno Van Rhyn, ba ahloletšwe bophelo kgolegong, malebana le go timelela ga mosetsana yoo.

Boraro bjo, bo bonwe molato ka dipharwamelato tša go tšhabiša le kgwebo ka bana, wa go amana le go timelela ga Joshlin, yo a bego a na le mengwaga ye tshela ka nako yeo.

Ngwana yo wa mosetsana, o timeletše a le legaeng la gabo go la Middlepos, ka Western Cape ka February 2024.

Moahlodi Nathan Erasmus o ahloletše boraro bjo, bophelo kgolegong molatong wa go kgwebo ka batho gape le mengwaga ye lesome ya go tšhabiša Joshlin.

Ge a efa kahlolo ka White City kua Saldanha Bay, Erasmus o bontšhitše gore boramelao ba Smith, Appollis le van Rhyn ba tla fiwa sebaka sa go aphila kahlolo.

Badudi ba Saldanha Bay, ba be ba tšwile ka makata namane go ikwela ka tša bona ditsebe. Badudi ba thabišitšwe ke kahlolo yeo, gomme ba ile ba hlaba legoa la lethabo le go opa diatla.