MONNA O SWERWE KA MORAGO A GORE KHOKHAINE YA R20 MILLION E HWETŠWE POLASENG KA MIDRAND 

Maphodisa a Gauteng, ka shepetšo yeo e laolwago ke bohlodi bja bosenyi e dirile gore go hwetšwe khokhaine ya boleng bja R20 milione ka polaseng ye nnyane ka Blue Hills, Midrand.

Maphodisa a re sehlopha sa dikarolo tše dintši seo se eteletšwego pele ke Kantorokgolo ya Bohlodi bja Bosenyi, mmogo le Yuniti ya Bosenyi bjo bo Rulagantšwego bja Gauteng, SAPS Johannesburg K9, le maloko a Local Criminal Record Center (LCRC).

LCRC ba dirile tshepedišo ye ka Labobedi mantšiboa a di 28 Diphalane 2025 morago ga go amogela tshedimošo ka ga diokobatši tšeo di bolokilwego mo lefelong leo.

Go ya ka mmoleledi wa Maphodisa a Bosetšhaba Brigadier Athlenda Mathe, diokobatši tše di tlišitšwe ka Afrika Borwa go tšwa nageng ya kgauswi gomme di be di reretšwe go ya Cape Town, Western Cape.

Monna wa mengwaga ye 56, yo go dumelwago gore ke mong wa polase eo, o swerwe.

Go letetšwe gore a tšwelele kgorong ya tsheko ya Magistrate’s ya Midrand mafelelong a beke ye ka ditatofatšo tša go ba le diokobatši le go rekiša diokobatši.