Maphodisa a Thohoyandou a nyaka mogolegwa yo a letetšego tsheko yo a tšhabilego ge a be a išwa kgorong ya tsheko

Maphodisa a Thohoyandou, ka fase ga Selete sa Vhembe ka Limpopo a lesolong la go tsomana le  mogolegwa yo a letetšego tsheko, Muluvhu Gumani (34), yo go thwego o tšhabile kgolegong ya molao ka Mošupologo mesong.

Gumani o ile a swarwa mathomong ka lebaka la go thuba ka sebetša se sengwe ntle le sethunya.  

Dipego di laetša gore maphodisa a be a iša bagolegwa ba lesometharo bao ba bego ba letetše tsheko go ya Kgorongtshekong ya Maseterata ya Thohoyandou ge tiragalo ye e direga. 

Goya ka mmolelwdi wa maphodisa a Limpopo Kolonele Malesela Ledwaba, gothwe Gumani o ile a gapeletša go bula lebati la sefatanaga sa maphodisa ge bale mabone a sephethephethe gomme a tšhaba ka maoto.

Maphodisa a dira boipiletšo go maloko a setšhaba gore a se leke go swara mogononelwa ka bobona ka mabaka a polokego.

 Mang le mang yo a nago le tshedimošo mabapi le moo motšhabi a lego gona o hlohleletšwa go ikgokaganya le Detective Captain Sydney Dama go 082 469 1035.