Mohlahlobipharephare wa Bohlodi (IGI) Imtiaz Fazel o fegilwe mošomong
Mopresidente Cyril Ramaphosa o fegile Mohlahlobipharephare wa Bohlodi (IGI) Imtiaz Fazel ka Laboraro, 15 Diphalane, 2026.
Ramaphosa o fegile Fazel le se meetseng morago ga gore Komiti ya Mohlakanelwa ya go Ema ya Palamente ya Bohlodi (JSCI) e amogele ngongorego ka ga boitshwaro bja Mohlahlobipharephare.
Ka polelo, bopresidente bo boletše gore Ramaphosa o fegile Fazel go sa lebeletšwe sephetho ka dinyakišišo tša boitshwaro bja Mohlahlobi-Pharephare.
“Karolo ya 7(5) ya Molao e laetša gore “ge Mohlahlobi-Kakaretšo e le taba ya dinyakišišo ke (JSCI) go ya ka karolwana (4), a ka emišwa ke Mopresidente go sa lebeletšwe sephetho nyakišišong yeo”.
Fazel o thwetšwe mošomong wo ka 2022 bakeng sa nako ya mengwaga ye mehlano yeo e felago ka Diphalane 2027.
O šomile bjalo ka motlatšamolaodipharephare wa taolo, kotsi le kobamelo ka Kgorong ya Mešomo ya Setšhaba pele a šoma bjalo ka molaodipharephare wa mošomo ka Kgorong ya Mešomo ya Setšhaba le Mananeokgoparara.
Fazel o hweditše Master’s Degree ka Dithuto tša Tšhireletšo go tšwa Yunibesithing ya Pretoria gomme o na le legoro la Bachelor of Accounting Science go tšwa Yunibesithing ya Afrika Borwa.
