BAITHUTI BA UFS BA SWERE MORAGO GA GO LEKA GO THUTHUPIŠA PHAPHUŠI YA BALETAKGORO 

Baithuti ba banna ba tshela, ba mengwaga ya magareng ga 19 le 24 ba swerwe morago ga go lahlela pomo ya peterole yeo e itiretšego yona ka phapošing ya baleti ya Yunibesithi ya Free State ka Mokibelo. Baithuti ba ile ba swarwa ke bahlankedi ba GAP Management Security gomme maphodisa mmogo le ditsebi tša lefelo la bosenyi ba ile ba bitšwa go šoma lefelong leo.

Se ge baithuti ba tšwela pele go ipelaetša kgahlanong le go phumolwa ga ngwadišo ya nakwana yeo e beakantšwego go tsenywa tirišong ngwageng wo o tlago.
Mesong ya lehono, baithuti ba gwantela khamphaseng ye kgolo ka Bloemfontein ka maitekelo a go šitiša mediro ya thuto.
Mmoleledi wa maphodisa Colonel Thabo Covan ore baithuti bao ba swerwego ba letetšwe go tšwelela pele ga kgorotsheko ya maseterata ya Bloemfontein mesong ya lehono, ka Mošupologo wa di 13 Diphalane 2025.