Mošomi wa ka gae wa Mozambique o nyametše  le dithoto tša bohlokwa tša mongmošomo wa gagwe tša boleng bja R100,000 

Mosadi wa Mozambique yo a thwetšwego bjalo ka mošomi wa ka gae go thwe o nyameletše le dilo tša bohlokwa tša mongmošomo wa gagwe tšeo di akanyetšwago go R100,000.

Tiragalo ye e diregile ka kua Richards Bay ka KwaZulu Natal

ge mong wa ntlo a be a le mošomong.

Go ya ka dipego, dilo tšeo di utswitšwego di akaretša dillathekeng tše dintši, laptop, mekotla ya diatla ya batšweletši le di- sneaker tše di bitšago tšhelete e ntši.

Ditshwantšho tša CCTV go tšwa lefelong leo di bontšha mosadi yo a tloga lefelong la bodulo a rwele disutukheise tše pedi tšeo di tletšego ka dilo tšeo go gononwago gore di utswitšwe.

Mogononelwa ga se a bonwa ga e sa le tiragalo ye, gomme maphodisa a thomile go tsomana le yena. 

Balaodi ba šoma kgauswi le bahlankedi ba bofaladi ka ge ba belaela gore a ka leka go tshela mollwane.