Maphodisa a hlasela legae la MaMkhize Ga bjale

maphodisa a dira tlhaselo ka gae ga Shauwn Mkhize (MaMkhize) ka La Lucia, Durban. Lebaka le le nepagetšego la tlhaselo ye le sa hlaka eupša lentšu setarateng ke gore Mamkhize o ka gare ga mahlabisadihlong a go efoga motšhelo wa Sars wa tšhelete ye ntšhi kudu ya R36 Million.

Mamkhize mathomong ya ngwaga wo wa 2024 o tšweletše pontšhong yeo e bitšwago ‘Carte Blanche ‘ a fiwa sebaka sa go hlatswa leina la gagwe go ya ka ditatofatšo tša go efoga motšhelo wa Sars, gomme o ile a ema a tiile ka go latola tšohle.

Tlhaselo ye ya maphodisa e tla matšatši fela morago ga gore kgorotsheko e fetše tlhalo ya gagwe le monna wa gagwe wa peleng, Sbu Mpisane.