Mosetsana wa mengwaga ye šupa o phologa mollo wo o bolailego lapa la gagwe ka moka 

Mosetsana wa mengwaga ye 7 o phologile mollo wa mokhukhu wo o tšerego maphelo a maloko a lapa la gagwe mesong ya lehono.  Tiragalo ye e šiišago e diregile kua Marikana Informal Settlement ka KwaThema, Ekurhuleni.

 Mmoleledi wa Ditirelo tša Tšhoganetšo tša Ekurhuleni William Ntladi ore dihlopha tša bona di amogetše mogala wo o begago tiragalo ya mollo ka iri ya boraro mesong.  “Ge re fihla, bašomi ba rena ba hweditše maloko a setšhaba a šetše a leka go tima mollo. Ka manyami, maloko a tshela a lapa ao a bego a swere ka gare ga mokhukhu a ile a tsebišwa gore a hwile lefelong la tiragalo. Ditopo tša bona di fišitšwe go sa lemogege,” Ntladi o boletše.

 O okeditše ka gore boraditimamollo ba kgonne go tima mollo gomme ba dira ditiro tša go phuruphutša le go tsošološa. 

“Ke mophologi o tee fela, ngwanenyana yo monyenyane, yo a ka bago mengwaga ye šupa, yo a hweditšwego a phela a na le dintho tše šoro tša go fišwa. O ile a išwa ka sephiring sepetlele sa kgauswi bakeng sa tlhokomelo ya tša kalafo ya ka pela.”

Seo se bakilego mollo ga setsejwe.