BAFANA BAFANA E FIHLETŠE GO YA GO BAPALA SEBJANENG SA LEFASE SA FIFA KA 2026
Bafana Bafana ba kgonthišitše maemo a bona ka Sebjaneng sa Lefase sa FIFA sa 2026 ka go fenya Rwanda ka 3-0 lepatlelong la Mbombela ka Mpumalanga ka Labobedi mantšiboa.
Dinepo go tšwa go ohlabani wa lephego Oswin Appollis le mogale wa bogareng Thalente Mbatha se beile sehlopha sa Afrika Borwa ka mohola ka Mbombela ka Labobedi, la 14 Diphalane.
Tiragalo ye ya Sebjana sa Lefase e tla direga ka United States, Mexico, le Canada ngwageng wo o tlago.
Bafana Bafana e lahlegetšwe ke dintlha tše nne tše bohlokwa dipapading tša yona tše pedi tša mafelelo tša go swanelega Sebjana sa Lefase. Ka September, ba ile ba thala ka 1-1 kgahlanong le Nigeria, gomme ka la 10 Diphalane, ba ile ba swarelwa go thala ka ntle le dintlha ke Zimbabwe kua Durban.
Se se tla swaya go kgatha tema ga bone ga Afrika Borwa ka Sebjaneng sa Lefase, ka ge e tsenetše ka 1998 le 2002, ka go tšwelela ga bona ga moragorago e le ka 2010 bjalo ka setšhaba sa moamogedi.
Mohlahli wa Bafana Bafana Hugo BBross o rile: “Ke kwele motho a re bohle ba segile le Bafana Bafana, re be re le metlae gomme bjale re gona re maemong a godimo gomme bohle ba a re hlompha gomme se ga se mošomo fela go nna. Ke nagana gore se ke seo setšhaba se se bego se se hloka, tsela ye e fapanego ya go lebelela kgwele ya maoto.”
