Presidente Ramaphosa o fegile Molaodi wa Botšhotšhisi bja Setšhaba wa South Gauteng

Presidente Cyril Ramaphosa o fegile Molaodi wa Botšhotšhisi bja Molaodi wa Botšhotšhisi bja Setšhaba wa Borwa bja Gauteng, Advocate Andrew Chauke.

Go fegwa ga Advicate Chauke ke go ya ka karolo ya 14(3) yeo e balwago ka 12(6)(a) ya Molao wa Bolaodi bja Bosekiši bja Bosetšhaba.

Advocate Chauke o fegilwe le semetseng go sa nyakišišwa go swanelega ga gagwe go swara ofisi. 

Chauke o bile bogareng bja ditatofatšo mengwageng ye mentši ya gore o šomile bjalo ka moleti wa kgoro gomme o latofaditšwe

le ka go dirišitše NPA bjalo ka sebetša go šireletša bao ba nago le maatla a dipolotiki le bao ba gobogilego.

Ramaphosa o tsebišitše Chauke ka sephetho sa gagwe ka go mo ngwalela lengwalo gomme a laetša gore Mopresidente le setšhaba ba tla holega ka kelo ye e ikemetšego ya ditaba tšeo di nyakago go hlathollwa le tšeo go tšona go nago le dingangišano tša nnete. 

Ka polelo bošegong bja maabane, Kantoro ya Mopresidente e boletše gore e kgopetše Adv Chauke go fa mabaka a gore ke ka lebaka la eng a sa swanela go fegwa, Ramaphosa o tšere sephetho sa gore go emišwa ga gagwe mošomong ke tsela ye e nepagetšego ya go tšea kgato go sa lebeletšwe dinyakišišo.

Mmoleledi wa Kantoro ya Mopresidente Vincent Magwenya o boletše gore Ramaphosa o dumela gore go tšwela pele ga go šoma ga Chauke bjalo ka Molaodi wa Botšhotšhisi bja Setšhaba mola a lebane le ditatofatšo tše dikgolo go tla ama gampe seriti sa NPA ka kakaretšo. 

 “Mopresidente Ramaphosa o tshwenyegile gape ka gore Advocate Chauke a ka se kgone go phethagatša mešomo ya gagwe ka bokgoni mola a lebane le dinyakišišo,” Magwenya o boletše.