Mohlankedi wa maphodisa o swerwe ka morago ga go fihla sethunya seo se amanago le dinyakišišo tša polao

Sajene wa maphodisa wa mengwaga ye 46 wa bohlale bja bosenyi o tšweletše kgorong ya tsheko morago ga go palelwa ke go tsebagatša balaodi ka sethunya seo se amanago le dinyakišišo tša polao.

Go thwe Sajene Constance Shale o amogetše sethunya go tšwa go mosedimoši, yo a se hweditšego lefelong la polao ya Wilfred Casper (38), eupša ga se a ke a se gafela balaodi.

Shale swerwe legaeng la gagwe la Ikageng ka Laboraro, 23 Phupu 2025, ke North West Anti-Corruption Investigation Un

it (ACIU). 

Casper o hweditšwe a hlabilwe makga a mmalwa ka thipa kua Marikana, Promosa, ka la 12 Phupu. 

Bagononelwa polaong ya gagwe ba ile ba golegwa matšatši a se ma kae ka morago ga lehu la gagwe. 

Bagononelwa ba seswai bao ba lego megwaeng ya magareng ga  27 le 35 ba sa dutše ba golegilwe go sa emetše kgopelo ya peile ka la 25 Phupu kgorong ya tsheko ya Bomaseterata ya Potchefstroom.

Shale, šomelago lefapha la Crime Intelligence Gathering, o lokolotšwe ka peile ya R4,000 morago ga go tšwelela pele ga kgorong ya tsheko ka Laboraro.  O letetšwe gore a tla boelela kgorong ya tsheko ka Mošupologo wa di 6 Diphalane 2025.