Monna wa motšwantle o golegilwe boemafofaneng bja OR Tambo ka go gweba ka diokobatši 

Monna wa mengwaga ye 48 wa motšwantle golegilwe boemafofaneng bja boditšhabatšhaba bja OR Tambo ka Labobedi, morago ga gore a hwetšwe a na le diokobatši tša 

2 kg.

Warrant Officer Thatohatsi Mavimbela ore Hawks’ Serious Organized Crime Investigation e di šomišane le Serious Organized Crime yeo e lego Pretoria, SAPS Flying Squad, K9 Dog unit, Transnational Organized Crime le Bahlankedi ba Thibelo ya Bosenyi ba maemafofane moo bahlankedi ba ilego ba latela tshedimošo ka ga mogononelwa yo a tlago go sepetša diokobatši go ya Ghana.

 “Bahlankedi ba hlaotše mogononelwa boemafofaneng. Ba ile ba hwetša tumelelo ya go phuruphutša merwalo.gomme ge phuruphutšwa, go hweditšwe mo e ka bago 2kg ya heroin yeo e gononwago gore e utilwe ka gare ga merwalo ya mogononelwa. Mogononelwa o swerwe,” Mavimbela o boletše.

Mogononelwa o tla tšwelela pele ga Kgorotsheko ya Mmaseterata ya Kempton Park ka Labone, la 26 Mosegamanye 2025. 

Hlogo ya Hawks ka Gauteng Major General Ebrahim Kadwa o retile sehlopha sa maphodisa ka go swara mogononelwa gomme o dira boipiletšo go setšhaba go bega kgwebo le go gweba ka diokobatši go balaodi.