Mathabatha o fologile setulong bjalo ka modulasetulo wa ANC Limpopo

Tonakgolo ya peleng ya Limpopo Stanley Chupu Mathabatha o fologile setulo bjale ka Modulasetulo wa ANC ka profense ye.

Mathabatha o re o tšeere sephetho se ka lebaka la ditshepedišo tšeo di latetšwego bakeng sa Dikhonferentshe tša Selete tša Vhembe le Waterberg.

 Dikopano tša diprofense ye di lebane le ditlhohlo le dingangišano tša ka gare.

Mathabatha o re o gona go boledišana le boetapele bja bosetšhaba bja mokgatlo, eupša go fihla ka nako yeo, o gata ka thoko.

 O re sephetho sa gagwe se hlohleleditšwe ke boitshwaro bjo bo gobogilego bjo bo tshwenyago le go hloka ditekanyetšo tša ANC ka mokgatlong.

 Go begwa gore Mathabatha o beile tsebišo ye sehlopheng sa WhatsApp sa bahlankedi ba profense ba mokgatlo.

Mmoleledi wa bosetšhaba wa ANC Mahlengi Bhengu-Motsiri ore ofisi ya Mongwaledipharephare Fikile Mbalula ga se ya amogela lengwalo leo go thwego le ngwadilwe ke Mathabatha.