Floyd Shivambu o tlošitšwe maemong a gagwe bjalo ka Mongoaledipharephare wa MK Party

Floyd Shivambu o tlošitšwe setulong sa gagwe bjalo ka Mongoaledipharephare wa MK Party. Se setla ka morago ga gore a etele kerekeng ya moruti yo a phonyokgileng molao Shepherd Bushiri ka Malawi mafelelong a beke ya paseka.

Modulasetulo wa bosetšhaba wa MK Nathi Nhleko o boditše babegi ba ditaba thapama ya lehono gore ketelo ya Shivambu e ile kgahlanong le molaotheo wa mokgatlo.

Nhleko o boletše gore Shivambu yo a tlogetše mokgatlo wa EFF go ya go MK ngwagola, o tla romelwa Palameteng bjale ka moemedi wa mokgatlo.

Ketelo ya gagwe e hlotše dipolelo morago ga gore a kopane le  Bushiri, yo a nyakegago ke balaodi ba Afrika Borwa. 

Shepherd Bushiri o tšhabetše 

ba molao ka Afrika Borwa morago ga go latofatšwa ka go kata, bofora, le ho hlwekiša tšhelete. O tšhabile Afrika Borwa goya Malawi ka 2020 morago ga go fiwa beili ka ditatofatšotše. 

Ka morago ga tsebišo ye, Shivambu o ile are o amogela sephetho sa mokgatlo. “Ke leboga ka nnete mešomo yeo ke e filwego le go romelwa Palamenteng go hlankela mokgatlo. Re tla hlankela mokgatlo bokgoni,” a realo.