Go tloga Makotopong go ya lefaseng!

Moswa wa go tšwa ka Makotopong ka ntle ga Polokwane o rwešitšwe mphapahlogo wa go ba Miss Teen Model International ka Lima, Peru, ka Sontaga.

Pearl Mathebula wa mengwaga ye 17 o emetše naga ya Afrika Borwa ka morago ga gore a thope sefoka sa Miss Teenager South Africa ngwagola.

Pearl yo e lego moithuti wa Mphato wa marematlou kua Northern Academy kua o boditše kgatišo ya Sunday World gore o thabile ka phenyo ya gagwe: “Ke be ke sa nagane gore nka e thopa, kudu ka gore ke be ke phadišana le bommasebotsana go tšwa dinageng tše di fapanego tšeo di bilego diphadišanong tše mmalwa go feta nna.”

 Meyaraphethiši wa Polokwane, John Mpe le Mmasepala ka moka wa Polokwane ba re ba ikgantšha kudu ka ge ba kgathile tema go thekga leeto le le makatšago la Pearl, e lego leeto leo ga bjale le hlohleleditšego setšhaba sa gabo fela, eupša kontinente ka moka ya Afrika. 

 “Eba le rena go keteka phenyo ya histori. Pearl Mathebula ya rena ka noši e rwešitšwe mphapahlogo wa Miss Teen Model International,” mmasepala o boletše ka polelo.