Ace Magashule o galefišitšwe ke go bušetšwa morago ga tsheko ya gagwe ya bomenetša

Ka Mogale Mohale

Tsheko ya Tonakgolo ya maloba ya Free State, Ace Magashule e šotišitšwe gape go kgwedi ya Pherekgong 2026.

 

Efela, Magashule o belaetša ke šotišo ye.

 

Tsheko ye e be e dutši kgorongkgolo ya tsheko ya Free State go la Bloemfontein ka Laboraro, 3 Phupu.

 

Moahlodi Philip Loubser o lekodišišitše lenanego la tsheko ye mme a šišinya gore tsheko e thome mathomg a karolo ya ngwaga wa 2026.

 

“Go bohlokwa go nna go dira tšwelopele molatong wo ke bontšhe tšwelopele pele ngwaga o fela, efela re tla bona ge e le gore re tla kgona go dira bjalo,” gwa realo Loubser.

 

Magashule yo a be go a laetša go ferekana o re oa tshwenyega ka dišotišo tše.

 

“Mmušo o dula o re o itokišitše, efela go bonagala okare ga rena ditokelo. Go šotiša ga tsheko go tura kudu go nna le go balatofatšwa ka nna,” a realo.

 

Molato wo wa bomenetša bja marulelo a asbestos o šotišwa ka morago ga gore mmušo o ikemišetše go ipobola kgahlanong le kahlolo yeo e dumeletšego Moroadi Cholota go lokollwa.

 

Cholota o ile a ipelaetša mabapi le go bušwa Afrika Borwa go tšwa nageng ya United States ka ge a re go bušwa ga gagwe go be go se molaong.

 

Kahlolo yeo e emi lehlakoreng la Cholota, yo e be go e le mothuši wa Magashule nakong ya ge e le tonakgolo, mme se se ra gore a ka se lebane le balatofatšwa ba bangwe ba 17 go molato wo wa bomenetša bjo bo akaretšago R255 millione.