ANC Limpopo e rulaganya go swara kopano ya go kgetha boetapele bja profense pele ga dikgetho tša mmušo wa selegae

African National Congress (ANC) ya Limpopo e tla swara kopano ya go kgetha boetapele bja profense pele ga nako.

Se se direga ka ge nako ya komiti ya boetapele bja profense e tla fela ka kgwedi ya Phupu 2026.

Mongwaledi wa profense, Reuben Madadzhe o re komiti e rulagantše go swara kopano ya profense ka pela ngwaga o tlago.

O re sephetho se se tšerwe go dumelela mokgatlo go tsenela dikgetho tša mmušo wa selegae tša 2026 go kgethilwe boetapele bjo boswa bja profense.

“Nako ya ofisi ya boetapele e tla fela ka Phuphu 2026. Go ka ba le kgonagalo ya gore dikgetho tša mmušo wa selegae di direge magareng ga kgwedi ya Lewedi le Manthole,” a realo.

O re go swarwa ga kopano ka nako yeo ya dikgetho go ka tsenya ditokišetšo tša dikgetho kotsing. “Ke ka lebaka leo re nyakago go šotiša kopano ya rena gore e swarwe mathomong a ngwaga o tlago.