MONNA YO A KATILEGO BANA BA BARARO O HWEDITŠE KAHLOLO YA BOPHELO KA MOKA KGOLEGONG
Kgorotsheko ya Selete ya Nkowankowa ka Tzaneen e ahlotše molatofatšwa wa mengwaga ye masomepedišupa (28) Vongani Sobala Shikwambana bophelo ka moka kgolegong ka lebaka la go kata bana ba bararo ba bannyane.
Shikwambana o bonwe molaro, melatong ye mentši ya go kata le go thuba yeo e dirilwego ka Hlakola 2017 kua Bonn Village ka fase ga lefelo la maphodisa la Letsitele.
Go ya ka Colonel Malesela Ledwaba, kgorotsheko e ahlotše molatofatšwa go golegwa bophelo ka moka ka melato ye šupa ya go kata le mengwaga ye lesomehlano kgolegong ka lebaka la go thuba ka maemo a go gakatša.
“Tiragalo ye e diregile ka la 26 Hlakola 2017, mo e ka bago ka iri ya bone thapama, ge molatofatšwa, a itlhamile ka panga gomme a felegetšwa ke mpša, a kopana le banenyana ba bararo ba bannyane ba mengwaga ye 9, 11, le 13. O ile a gapeletša batšwasehlabelo go tsena ka dihlašaneng tša kgauswi, moo a ilego a ba kata kgafetšakgafetša. Ba babedi ba bahlaselwa ba kgonne go tšhaba, a tlogela yo monyenyane ka morago, bao ba… molatofatšwa o ile a katwa gape pele a mo thubela diselefouno tše pedi,” Ledwaba o boletšeKa morago ga go phuruphutšwa mo go tseneletšego ke ditho tša setšhaba le maphodisa, molatofatšwa o ile a latišišwa, a swarwa gomme a latofatša ka melato e mentši ya go kata le go thubja.
Melato e nyakišišitšwe ka kelohloko ke Detective Sergeant Phumudzo Mabongo go tšwa go Tzaneen Family Violence, Child Protection and Sexual Offenses (FCS) Unit.
Mokhomišenare wa Maphodisa wa Profense ka Limpopo wa Motšwaotshwere Major General Jan Scheepers, o retile mohlankedi wa dinyakišišo le sehlopha sa batšhotšhisi ka boikgafo bja bona go netefatša gore toka e fiwa batšwasehlabelo bao ba lego kotsing.
“Kahlolo ye e romela molaetša wo maatla wa gore bosenyi kgahlanong le basadi le bana bo ka se tsoge bo kgotleletšwe. Re reta mošomo wo o tšwetšego pele wa mohlankedi wa dinyakišišo le tshepedišo ya toka ya bosenyi go netefatša gore mosenyi yo bjalo yo a se nago pelo o tlošwa sa ruri setšhabeng,” go boletše Scheepers.
