Maphodisa a mohlaleng wa mogolegwa yo a tšhabilego kgolegong

Ka Mogale Mohale

 

Mogolegwa yo a emetšego tsheko, Mola Matome Reuben Modiba (29) o tšhabile kgolegong.

 

O tšhabile kgolegong go la Maake ka ntle ga Tzaneen, Limpopo ka Mošupologo, 30 Phupu ka iri ya pele.

 

Gothwe maphodisa a be a gapela mogolegwa yo ka kgolegong ka morago ga gore a pharwe ka molato nakong ya ge a tla tšhaba.

 

Mmoleledi wa maphodisa Colonel Malesela Ledwaba o re maphodisa a Maake a thakgotše lesolo la go tsomana le Modiba yo a tšhabilego kgolegong.

 

“Mogononelwa o be a tshwaretšwe go thuba ka lapeng, molato wo o begilwego ka kgwedi ya Moranang 2025,” a realo.

 

Ledwaba o re maphodisa a nyakišiša seo se hlotšego tiragalo ya gore a tsene ka monga wa seloko.

 

“Sehlopha sa maphodisa se kgethilwe go tsomana le mogononelwa yo mme dinyakišišo di tšwela pele,” a realo.

 

Setšhaba se hlohleletšwa gore se se leke go tshwara Modiba ka ge seo se ka tsenya maphelo a bona kotsing.

 

“Maphodisa a kgopela yo a na go le tshedimošo mabapi le mogononelwa yo gore a ikgokaganye le Captain Morwamokhono Kekana go 082 319 9742 go ba setiši sa maphodisa a kgauswi,” gwa realo Ledwaba.