KHARISHMA O SEPEPELO KA MORAGO GA GO AMEGA KOTSING YE ŠORO KA POLOKWANE   

Seopedi sa mmino wa Lekompo Kharishma o amegile kotsing ya koloi ye šoro mesong ya Labohlano, 31 Diphalane 2025.

Go begwa gore kotsi ye e diregile ka iri ya bone mesong magareng ga mmila wa Grobler le Magazyn toropong ya Polokwane.

Monamedi o tee o hlokofetše mola seopedi sa mmino seo leina la gagwe la nnete e lego Melita Mogale a kitimišitšwe bookelong.

Meyara wa Polokwane John Mpe o etetše seopedi sa Lekompo bookelong gomme a mo lakaletša go fola ka pela.

Sebaki sa nnete sa kotsi ye ga se sa hlaka, go se na pego ya semmušo ya maphodisa yeo e lokolotšwego go fihla ga bjale.