Sandile Kagiso Montsoe (34), mogolegwa yo ga bjale a hlankelago kahlolo ya mengwaga ye 36 kgolegong ka lebaka la polao ya Karabo Mokoena, o filwe kahlolo ya tlaleletšo ya mengwaga ye 15 ya kgolego thwii.

Sandile Kagiso Montsoe (34), mogolegwa yo ga bjale a hlankelago kahlolo ya mengwaga ye 36 kgolegong ka lebaka la polao ya Karabo Mokoena, o filwe kahlolo ya tlaleletšo ya mengwaga ye 15 ya kgolego thwii.

Montsoe o bonwe molato wa go senya tšhelete ya go feta R1 milione go tšwa go batšwasehlabelo bao ba se nago molato ka go ba fora gore ba beeletše tšhelete ka khamphani yeo e bitšwago Trillion Dollar Legacy (PTY) Ltd.

Palomoka ya bahlaselwa ba 119 ba ile ba wela ka tlase ga maano a bofora a Montsoe, moo a ilego a nea tshedimošo ya bofora ka ga dipeeletšo go ba goketša gore ba arogane le tšhelete ya bona.

Montsoe, yo a bego a latofaditšwe wa nomoro ya bobedi molatong wo, o ahlotšwe ke Kgorotsheko ya Selete ya Evander ka Labobedi, la 16 Phupu 2024, ka lebaka la bomenetša le go tshela melao ya tšhireletšo ya ditšhelete le ya bareki, go akaretšwa Molao wa Keletšo ya Ditšhelete le Botsenagare le Molao wa Tšhireletšo ya Badiriši.