Mogononelwa o swerwe ka morago ga go reka sefatanaga sa R1.3 millione a šomiša ditokomane tša bofora

Hawks ka Limpopo e swere yo mongwe wa bagononelwa wa mengwaga ye 27 molatong wa bofora.

Modiradibe yo o swerwe ka Mokibelo, 26 Mosegamanye kua Groblersdal.

Go begwa gore ka Moranang 2023, mogononelwa o dirile kgopelo ya sefatanaga sa Ford Ranger Raptor ya go ja R1.3 millione go tšwa WesBank.

Go thwe o šomišitše mangwalo a banka a bofora.

Kgopelo ya gagwe e ile ya dumelelwa, gomme seteišene sa difatanaga se ile sa mo laetša ka katlego ya kgopelo ya gagwe. O ile a ya go tšea sefatanaga seteišeneng sa Polokwane a felegeditšwe ke banna ba babedi bao le bona ba belaetšago.

Mmoleledi wa Hawks wa Limpopo, Warrant Officer Lethunya Mmuroa, o boletše gore mogononelwa o paletšwe ke go lefela sefatanaga seo. Banka e lekile go ikgokaganya le yena eupša a se hwetšagale.

“WesBank e ile ya dira tshekatsheko ya forensiki gomme ya lemoga gore mogononelwa o šomišitše ditokomane tša maaka nakong ya kgopelo,” a realo.

Mmuroa o re taba ye e begilwe go Hawks ya Polokwane. “Go dirilwe dinyakišišo tše di feleleditšego ka go swarwa ga mogononelwa wa mathomo ka di 2 Pherekgong 2024,” a realo.

O re dinyakišišo di tšwetše pele gomme gwa utollwa gore mogononelwa yo a swerwego wa mengwaga ye 27 o thušitše mogononelwa yo mongwe go dira bofora le go tšea sefatanaga seteišeneng.

“Mogononelwa o letetšwe go tšwelela kgorong ya ditiro tša bosenyi tša kgwebo ka Polokwane ka Mošupologo, 28 Mosegamanye”

Hlogo ya Hawks mo Limpopo, Major General Gopz Govender o amogetše go swarwa ga mogononelwa. O bontšhitše tshepo ya gore sehlopha sa Hawks se tla rarolla taba ye ka katlego.

Hawks ka Limpopo e swere yo mongwe wa bagononelwa wa mengwaga ye 27 molatong wa bofora.

Modiradibe yo o swerwe ka Mokibelo, 26 Mosegamanye kua Groblersdal.

Go begwa gore ka Moranang 2023, mogononelwa o dirile kgopelo ya sefatanaga sa Ford Ranger Raptor ya go ja R1.3 millione go tšwa WesBank.

Go thwe o šomišitše mangwalo a banka a bofora.

Kgopelo ya gagwe e ile ya dumelelwa, gomme seteišene sa difatanaga se ile sa mo laetša ka katlego ya kgopelo ya gagwe. O ile a ya go tšea sefatanaga seteišeneng sa Polokwane a felegeditšwe ke banna ba babedi bao le bona ba belaetšago.

Mmoleledi wa Hawks wa Limpopo, Warrant Officer Lethunya Mmuroa, o boletše gore mogononelwa o paletšwe ke go lefela sefatanaga seo. Banka e lekile go ikgokaganya le yena eupša a se hwetšagale.

“WesBank e ile ya dira tshekatsheko ya forensiki gomme ya lemoga gore mogononelwa o šomišitše ditokomane tša maaka nakong ya kgopelo,” a realo.

Mmuroa o re taba ye e begilwe go Hawks ya Polokwane. “Go dirilwe dinyakišišo tše di feleleditšego ka go swarwa ga mogononelwa wa mathomo ka di 2 Pherekgong 2024,” a realo.

O re dinyakišišo di tšwetše pele gomme gwa utollwa gore mogononelwa yo a swerwego wa mengwaga ye 27 o thušitše mogononelwa yo mongwe go dira bofora le go tšea sefatanaga seteišeneng.

“Mogononelwa o letetšwe go tšwelela kgorong ya ditiro tša bosenyi tša kgwebo ka Polokwane ka Mošupologo, 28 Mosegamanye”

Hlogo ya Hawks mo Limpopo, Major General Gopz Govender o amogetše go swarwa ga mogononelwa. O bontšhitše tshepo ya gore sehlopha sa Hawks se tla rarolla taba ye ka katlego.