MONNA YO A LATOFATŠWAGO KA GO BOLAYA BATSWALA BA MAMELODI O LAHLILE KGOPELO YA GAGWE YA BEILI

Monna yo a latofatšawago ka go bolaya bomotswala Tshiamo (22) le Baleseng Moramaga (21) ka Mamelodi, Tshane o lahlile kgopelo ya gagwe ya beili.

Tebogo Mnisi, wa mengwaga ye 38 yo a golegilwego mabapi le dipolao tša makgarebe a mabedi ka Mamelodi East, Pretoria, o tšweletše la mathomo kgorong ya tsheko ya mmasepala wa Mamelodi ka Laboraro, 29 Diphalane 2025. 

Mnisi o kgethile go tlogela kgopelo ya gagwe ya beili gomme o tla dula kgolegong go fihla ka la 19 Pherekgong 2026.

Mnisi o swerwe seteišeneng sa peterole ka Pretoria ka Mošupologo mesong. O lebane le ditatofatšo tše hlano, go akaretšwa melato ye mebedi ya polao ya go rerelwa, maitekelo a polao, gammogo le go swara sethunya le dithunya tšeo di sego molaong.

Tshiamo le Baleseng ba bolailwe ka go thuntšhwa ka masa a Sontaga ka Mamelodi East ext 17. Motho wa boraro le yena o thuntšhitšwe nakong ye e swanago ya tiragalo yeo gomme o hwetša kalafo sepetlele.